Manjola Hasani dhe Esdalin Gorani ditën e djeshme ishin të ftuar në emisionin Rudina. Si rrallëherë në një studio televizive, balerinët treguan gjithçka që nuk dinim për jetën e tyre jashtë sallës së baletit. Shumë pak e dinë, por Ola dhe Esdalini njihen me njëri tjetrën që prej moshës 10 vjeçare, kur të dy ndiqnin të njëjtën shkollë.
Historia e tyre e dashurisë ka nisur si një lojë, në shfaqjen në teatër Hirushja, ku ata luanin rolin e mbretit dhe mbretëreshës. Pastaj u shndërrua në përrallën që të gjithë e dimë. Sot ata janë prindër të dy fëmijëve, vajzës 9 vjeçare, të quajtur Olesia dhe Oenit, 2 vjeç.
Edhe pse kanë ndërtuar një karrierë të suksesshme në fushën e baletit, Ola dhe Esdalini ua kanë ndaluar kategorikisht fëmijëve të merren me balet. Nuk diskutohet fare në shtëpinë tonë. Sna pëlqen fare, u shpreh Ola.
Esdalini shtoi, Ne kemi pasur një sallë baleti, para shumë vitesh, kur vajza ka qenë e vogël. Nuk kemi dashur tja imponojmë, duke ditur lodhjen që ka zanati ynë dhe feedback që merr mbrapsht. Nuk e kemi pasur qejf. Unë jo njëherë, kategorikisht. Në momentin që vajza vinte, kur bënim kurse, nuk e pranonim.
Nuk donim ta ushqenim. Është profesion shumë i lodhshëm. Jemi super të kënaqur që nuk merret me këtë gjë. Le të bëhet avokate, doktoreshë, çfarë të dojë. Ola ka shtuar gjithashtu se, fatmirësisht, vajza nuk ka fare interes për baletin.
