Vrasjet e 21 janarit/ Berisha: Garda bëri detyrën, armën mund ta shkrepte dhe gishti im

Ish-kryeministri Sali Berisha, të hënën, është shprehur se ndjen dhimbje për viktimat e 21 janarit, por garda bëri detyrën e saj sipas ligjit.
Sipas Berishës, nëse nuk do të kishte qenë garda, mund të ishte dhe dora e tij që mund të kishte shkrepur armën.
“Nuk kam asnjë lloje shqetësimi, vetëm dhimbje për viktimat e 21 Janarit, sepse kam qenë në zyrën time, i sulmuar. Garda bëri detyrën që i takon në bazë të ligjit,
shikoni ligjin. Ata ishin brenda rregullores, në mos garda mund të ishte dhe gishti i Sali Berishës” – u shpreh Sali Berisha në Real Story.