Forca të shumta policie kanë shkuar edhe mëngjesin e sotëm në Shkozë, ku IKMT ka dërguar fadromat për të prishur tre shtëpi që kalojnë në gjurmën ku do të ndërtohet Loti III i Unazës Lindore të Tiranës.
Njësoj si dje, banorët e zonës janë ngritur në këmbë për të mos lejuar shembjen e banesave pa u kompensuar nga shteti. Policia u ka kërkuar që dje banorëve të boshatisin shtëpitë nga orenditë, por ata kanë
kundërshtuar sidomos për padrejtësinë që thanë se u bëhet, pasi një pjesë ishin legalizuar dhe kompensuar, kurse ata jo. Ish-deputeti i PD Aldo Bumçi ka shkuar në mbështetje të familjeve që mbeten pa strehim. Edhe më 7 tetor, IKMT e mbështetur nga Policia ka shembur objekte në këtë zonë.
