12.5 C
Tirana

Përleshje me thika tek Presidenca

VENDI

Përleshje me thika në mes të ditës pranë Presidencës. Katër të rinj, studentë të vitit të parë të Universitetit Politeknik, mbetën të plagosur pas një sherri me armë të ftohta , rreth orës 11 e 40 minuta.
Ngjarja ndodhi si pasojë e një konflikti banal mes të rinjve të moshave 18 dhe 19 vjeçare. Kalimtarët njoftuan menjëherë forcat e policisë, të cilat mbërritën në vendngjarje duke i dhënë ndihmën e parë të lënduarve.

Të rinjtë u dërguan me urgjencë në spital ku morën ndihmën e parë mjekësore. Burime të policisë thanë se fatmirësisht ata janë jashtë rrezikut për jetën.
Uniformat blu shoqëruan në ambientet e policisë një prej personave të përfshirë në konflikt, ndërsa morën dëshmi të tjera për të zbardhur motivet e ngjarjes që alarmoi forcat e rendit, pasi krimi ndodhi vetëm pak metra larg zyrës së Presidentit të Republikës.
Sipas hetuesve i gjithë sherri i cili përfundoi me 4 të lënduar, dy prej të cilëve djem xhaxhallarësh nisi per shkak te ngacmimit të një vajze, e cila shoqërohej me te rinjtë.

- Advertisement -

TE FUNDIT