Tre autobusë me shtetas shqiptarë janë nisur nga Milano në Itali me destinacion Shqipërinë dhe aktualisht 2 po kalojnë përmes Malit të Zi ndërsa një sapo mbërriti në Murriqan.
Autobusët me shqiptarë po shoqërohen me polici dhe ambulanca nga autoritetet malazeze dhe personat janë lajmëruar që nuk do të ketë asnjë ndalesë deri në kufirin shqiptar.
Sipas itinerarit autobusi me shtetasit shqiptarë që udhëton nga Milano ka kaluar në Slloveni Kroaci Bosnje dhe Mal të Zi.
Pala malazeze gjithashtu ka marrë dhe disa masa të tjera të forta në kufi mes të cilave dhe pengimi i hyrjes në vend të personave që kanë pasur histori udhëtimi në Itali.
