Deputeti Kujtim Gjuzi nga foltorja e Kuvendit u shpreh sot se është kërcënuar pas vërejtjes së kryetarit të Kuvendit në seancën e kaluar për veshjen. Çfarë Kodi kisha shkelur herën tjetër? Në orën 14 e 19 minuta më ka ardhur mesazh kërcënues për veshjen.
Edhe nuk ka Zot none që të më kërcënojë mua, se nuk të kam frikë as ty as kërkënd. Kaq për sot, herë tjetër pastaj shohim e bëjmë, u shpreh Gjuzi. Ndërkohë që Ruçu iu përgjigj duke i thënë se Unë nuk të kam kërcënuar, por të kërkova të zbatosh etikën dhe të mos ndalosh autoshkolla te dera e parlamentit. Seancën e kaluar Gjuzi ishte veshur sportiv.
