29.5 C
Tirana

Deklarata e papritur nga diplomati i njohur shqiptar: Opozita shumë shpejt vjen në pushtet

VENDI

Diplomati Agim Nesho ka thënë se mandati i tretë i kryeministrit Rama nuk do jetë i plotë.

 

Ai tha se kreu i qeverisë është përpjekur edhe më herët për një qeverisje me bazë të gjerë me PD-në po ideja nuk u realizua pas 15 pikave të vendosura nga Bundestagu gjerman, ku kryesore ishin zgjedhje të lira e të ndershme .

 

“Ideja e një qeverisje të gjerë ka qenë ideja e z.Rama për arsye se një mandat i tretë është i pajustifikuar. Ai për dy mandate nuk bëri asgjë, të tretin të paktën do kërkonte të kishte një kompromis me opozitën për ta justifikuar. Dhe këtë gjë ai ka insistuar t’ia imponojë edhe BE-së që ka një vizion për ta bërë.

 

Gjermania e pranoi në fillim, para dy vjetëve dhe tani pasi vuri 15 pikat Bundestagu duket që kjo çështje mori fund. Për arsye sepse siç e tha edhe deputeti ai nuk garantoi asnjë nga pikat që të garantonte zgjedhje të lira”, tha Nesho i ftuar në emisionin ‘Tempora’ të gazetares Sonila Meço.

 

Ai shtoi se mandati i tretë i qeverisë Rama nuk do ketë asnjë vlerë dhe se opozita do vijë shpejt në pushtet.

 

“Tani e vetmja gjë që mund të bëjë dhe dështoi opozita unë mendoj që ky mandat nuk do ketë asnjë vlerë, nuk do jetë i plotë. Sigurisht është shumë e vështirë se është një regjim, nuk do jetë i plotë, për arsye se nuk e mban dot. Dhe vetëm duhet të ketë një gjë. Opozita nuk duhet të bëjë kompromis, e para, të qëndrojë në parime.

 

Këtu është edhe ai shqetësimi që ka bërë miku jonë Bushati, dmth për ca gjëra që shpjegohen njëherë, diskutohen njëherë dhe dështohet për to atëherë duhet të nxjerrësh mësime. Ky do jetë vetëm dështimi. Unë mendoj që opozita vjen shpejt në pushtet.” tha Nesho.

- Advertisement -
- Advertisement -

TE FUNDIT