Bie në kontakt me energjinë, humb jetën 68-vjeçari në Velipojë

Një 68-vjeçar ka humbur jetën të martën pasi ra në kontakt me energjinë elektrike. Ngjarja ka ndodhur në fshatin Pulaj në Velipojë.
Mësohet se Ndue Lusha, ka qenë duke bërë një punë në banesën e tij, kur papritur ka hasur në kabllot e energjisë elektrike duke humbur jetën.
Lusha është dërguar menjëherë drejt Spitalit Rajonal të Shkodrës për të marrë ndihmën mjekësore, por nuk ka arritur të shpëtojë.