Një e moshuar në Nju Jork, që i mbijetoi pandemisë së gripit spanjoll dhe mposhti betejën me ka ncerin, së fundmi ka triumfuar dhe ndaj COVID-19, në moshën 101 vjeçare.
Angelina Frideman, arriti që të mposhte pandeminë e koronavirusit. Por nëna e saj, nuk arriti që të mposhte gripin spanjoll në vitin 1918 dhe vd iq gjatë lindjes së Angelinas, teksa po zhvendoseshin nga Italia për Nju Jork. Familja e të moshuarës, e kanë cilësuar atë si një “heroinë”, pasi ajo ka arritur të kapërcejë gripin spanjoll, kan cerin dhe tani së fundmi dhe pandeminë e saj të dytë COVID-19.
Mosha e madhe e të moshuarës, është si rezultat i trashëgimisë, sepse ajo thotë se të gjithë në familjen e saj kanë vd ekur të paktën 95 vjeç, përveç një xhaxhai që e “theu” këtë rregull.
Kur mësoi 101 vjeçarja se vuante nga virusi korona?
Angelina u dërgua nga familjarët për një kontroll rutinë në spital, disa javë më parë, por gjatë testimeve mësoi se ishte prekur nga koronavirusi. E moshuara qëndroi disa javë në spital dhe disa ditë më parë u rikthye në shtëpi, pasi dy testet e fundit për COVID-19 rezultuan negative.
Vajza e Angelinas, Merola, u shpreh se nëna e saj vuante nga ethet, por për asnjë moment nuk kishte probleme me frymëmarrjen.
“Mjekët më thonin vazhdimisht se ajo do të bëhet mirë. Ajo është një heroinë e vërtetë, ka kaluar shumë sfida në jetë dhe prap është këtu me ne. Nëse mamanë do ta kisha këtu tani do ti thoja: Ti vazhdo mamush, prej teje ne jemi kaq të gjallë”, u shpreh Merola.
