Kryeministri Rama nuk ka lënë pa ironizuar kundërshtarët e tij politik, nga Monika Kryemadhi e Lulzim Basha deri te presidenti Meta, Nora Malaj e Klevis Balliu, mbrëmjen e sotme në Korçë.
Duke iu referuar deklaratave të Kryemadhit që Zoti ta shpëtojë Shqipërinë nga ata që blejnë vota, Rama tha se po ta dëgjonte Zoti kryetaren e LSI atëherë s’do të blinte njeri vota.
Kryeministri nuk është mjaftuar me kaq, duke cituar Mamicën (Elisa Spiropalin) që vendi të mos kthehet në vitin ’97, Rama tha se presidenti e ka shumë të thjeshtë ti thotë bashkëshortes të rri e qetë deri në 30 qershor.
‘Fallxhorja që tani kur thotë ajo o Zot shpëtoje Shqipërinë nga ata që blejnë vota. Zoti shqyqyr që nuk ndërhyn në zgjedhje se do merrte Monikën dhe s’blente më njeri vota në Shqipëri. Duke cituar Mamicën, Iliri e ka shumë të thjeshtë nëse është kaq i shqetësuar pë ’97. Mjafton ti thotë Monikës: grua deri në datë 30 qershor rri e qetë, shiko filxhan por mos shiko për politikë, shiko për jetën tonë, për shoqet, për Tit Vasilin. Shiko filxhan për dajë Titin, thuaj si do shkoj puna për nervin shiatik’, tha Rama.
Ndërkohë kryeministri nuk la pa ironizuar as Nora Malajn, duke kujtuar fjalën e saj pas një proteste të opozitës ku disa prej simpatizantëve përfunduan në spital nga gazi lotsjellës.
‘Shumë shumë dhe për atë shoqen tonë Norën. Ti sheh filxhan Norana qan, cdo bëhet me popullin, cdo bëhet me popullin e lotët vu. Saliu ti thotë Lulit shpejt në shpi, shpejt. Këto të ndodhin në Shqipëri dhe cuni i Bahri Balliut nuk del më’, përmbylli ai.
