Një ngjarje e rëndë është shënuar tre ditë më parë në Paskuqan, ku një fëmijë mbeti i plagosur.
Policia për këtë ngjarje nuk ka dhënë asnjë njoftim, por sot është mësuar se aksidentin e ka shktuar një punonjës policie që ecte me shpejtësi të lartë me makinën e tij.
Sipas informacioneve ngjarja ka ndodhur para derës së shtëpisë së fëmijës së aksidentuar. Punonjësi i policisë me iniciale T.Gj. u shoqërua vetëm sot në komisariat. Por pas shoqërimit ai është lënë sërish i lirë.
Nga ana tjetër fëmija i plagosur ndodhet në spital në gjendje të rëndë në Spitalin Ushtarak dhe po lufton me vdekjen. Mësohet se polici do të procedohet penalisht për shkelje të rregullave të qarkullimit rrugor.