Kryeministri Edi Rama ka shkuar mëngjesin e sotëm në Vorë në fshatin Dedej, ku edhe ka kontrolluar banesat që u restauruan pas tërmetit të 21 shtatorit. I shoqëruar nga ministrja e Infrastrukturës Belinda Balluku, Rama nuk i ka kursyer pozat me qytetarët dhe lavdet për të deleguarën e zonës. Një prej banorëve i tha kryeministrit se Balluku është njësh, ndërkohë që Rama nuk ia la mangut duke lëvduar veten.
Banori. Hajde hidhi një sy shtëpive. Rama. Ça ka shtëpia? Balluku. I dhamë prioritet atyre me fëmijë, tani këta kanë liruar shtëpitë dhe kemi filluar punën edhe ta. Rama. Kjo është shejtoni më i madh dhe po e tha e bo. Banori. Njësh është vërtetë. Rama. Njësh është kjo, unë jam dyshi.
