3.5 C
Tirana

“Mbretërit” e errët të Dubait, raporti: 17 shqiptarë investuan në 19 prona me vlerë 15 miliardë dollarë

VENDI

Një numër prej 17 shtetasish shqiptar renditen në hetimin e publikuar nga 20 gazetarë ndërkombëtare lidhur me skemën e pastrimit të parave të pista përmes blerjes së pasurive në Dubai.

 

Emirati sipas raportit po përdoren si parajse fiskale nga miliarderë rusë të sanksionuar së fundi nga BE dhe SHBA, por edhe nga kriminelë ndërkombëtare dhe zyrtarë të korruptuar. Ata u investojnë paratë në një vend ku askush nuk u kërkon llogari.

 

Informacionet e rrjedhura së fundi nga një databazë e pronave në Dubai kanë ekspozuar një zinxhir investimesh të dyshimta të kryera atje nga shtetas të huaj.

 

Emirati magjepsës që ka një reputacion të errët si një parajsë fiskale, emërohet nga publikimi si destinacioni kryesor për paratë e paligjshme dhe një qendër e preferuar për pastrimin e parave, shpesh përmes pasurive të paluajtshme.

 

Zbulohet Dubai, rrjedhja e të dhënave tregon si kriminelët, zyrtarët dhe politikanët e sanksionuar pastruan apo fshehën paratë në prona
Databaza tregon sa shtetas të huaj kanë derdhur paratë në apartamente dhe vila në Dubai.

 

Të dhënat, që datojnë nga viti 2020, janë marrë nga Qendra për Studime të Avancuara të Mbrojtjes, një organizatë jofitimprurëse me bazë në Uashington, që hulumton krimin dhe konfliktet ndërkombëtare.

 

 

Ata identifikuan shumë pronarë të pasurive të paluajtshme në Dubai, të cilët janë akuzuar ose dënuar për krime ose janë nën sanksione ndërkombëtare.

 

Të tjerët janë zyrtarë publikë, pronësia e të cilëve mbi pronat e shtrenjta është e vështirë të përballohet me të ardhurat e tyre të ligjshme.

 

Në tabelën shoqëruese të investigimit zë vend edhe Shqipëria, me 17 pronarë, që zotërojnë 19 prona me vlerë 15 miliardë dollarë.

 

Megjithatë sa i përket vendit tonë, hetimi nuk identifikon emra apo individë të përveçëm.

 

Emrat e publikuar në raport përfshijnë më shumë se 100 anëtarë të elitës politike të Rusisë, zyrtarë publikë ose biznesmenë pranë Kremlinit, si dhe dhjetëra evropianë të implikuar në pastrim parash dhe korrupsion.

 

Disa zyrtarë dhe ligjvënës evropianë që janë akuzuar për keqpërdorim të fondeve publike janë gjithashtu në mesin e pronarëve të listuar.

 

Ndër figurat e rëndësishme që zotërojnë prona të paluajtshme në Dubai janë Ruslan Baisarov, një biznesmen rus i afërt me diktatorin çeçen Ramzan Kadyrov dhe Alexander Borodai, një anëtar i sanksionuar i Dumës ruse i njohur për t’u bërë “kryeministër” i Republikës së vetëshpallur Popullore të Donetskut gjatë Pushtimi i Rusisë në Ukrainë në 2014.

 

Rusët e tjerë me prona në Dubai përfshijnë Roman Lyabikhov, një ligjvënës i sanksionuar nga SHBA nga Partia Komuniste dhe Dmitry Rybolovlev, një oligark i diskutueshëm.

 

Mes evropianëve është Daniel Kinahan, lideri i dyshuar i një grupi kriminal irlandez të përfshirë në trafikun e kokainës dhe krime të tjera, i sanksionuar nga Shtetet e Bashkuara muajin e kaluar.

 

Emiratet e Bashkuara Arabe nuk kanë një traktat ekstradimi me Bashkimin Evropian, Shtetet e Bashkuara, Gjermaninë apo shumë vende të tjera.

- Advertisement -

TE FUNDIT