Njerëzit të cilët janë vaksinuar kundër COVID-19, kanë antitrupa ose një test negativ mund të udhëtojnë në Greqi këtë verë.
Turizmi është një fitues i madh i të ardhurave për Greqinë, e cila ka udhëhequr thirrjet për një certifikatë vaksinimi në të gjithë BE-në për të ndihmuar zhbllokimin e udhëtimeve.
Industria e Turizmit përbën rreth një të pestën e ekonomisë greke dhe punëson një në pesë punëtorë, por këto arritjet ranë vitin e kaluar për shkak të pandemisë.
Greqia po synon të nisë sezonin e saj veror nga mesi i majit, tha ministri i Turizmit, Harry Theocharis.
“Greqia është gati me një protokoll të plotë për verën 2021,” tha ai, ndërsa shtoi se: “Turistët do të jenë të mirëpritur nëse para udhëtimit ose janë vaksinuar, ose kanë antitrupa, ose test negativ. Të gjithë turistët do t’i nënshtrohen testimit të rastësishëm. “
Ai tha se autoritetet do t’i jepnin përparësi vaksinimit të njerëzve që punojnë në sektorin e mikpritjes pasi të vaksinohen më të prekshmit dhe po mandatojnë testimin e shpeshtë të punonjësve.