Gjiganti mediatik New York Times ka publikuar një artikull ku promovon disa artistë europianë që duhen dëgjuar nga të gjithë. Ajo që nuk prisnim ishte se pjesë e këtij shkrimi ishte dhe reperja shqiptare Melinda Ademi.
Media prestigjoze e rekomandon Melindën për dëgjuesit e muzikës rep apo fansat e Nicky Minaj dhe Cardi B. Më tej shkruan se si Melinda e ka zhvilluar karrierën e saj si këngëtare në Kosovë si dhe për origjinën.
“Babai i Melinda Ademit u largua nga Kosova në vitet ’90, pasi rebelët shqiptarë nisën luftën për pavarësi kundër Serbisë, gjë që shkaktoi një krizë masive refugjatësh. Ademi u lind në Gjermani dhe jetoi atje deri kur familja e saj fitoi leje qëndrimi në Shtetet e Bashkuara. Tani, në të njëzetat e saj (refuzoi të tregonte moshën ekzakte), ajo ka çarë në Kosovë dhe ka ndërtuar një karrierë në muzikë”.
Më tej shkrimi vijon me konkurrimin e Melindës në “American Idol”, gjë që e shtyu të hedhë hapin e madh drejt muzikës:
“Po përpiqesha të krijoja këngë, dhe kuptova që më tërheqin më shumë meloditë dhe tingujt shqiptarë. Thjesht vendosa se do të ishte më mirë për mua dhe shijet e mia të vija këtu”/
Melinda u pyet edhe për deklaratën e Ledri Vulës, i cili pak kohë më parë tha: “Edhe vajzat dinë të bëjnë rap, diçka nuk shkon”:
“Nuk di t’i përgjigjem deklaratës së tij apo qëllimeve pas saj, por mund të flas për klimën muzikore këtu, dhe ne, vajzat, po bëjmë namin”.