11.5 C
Tirana

Gazetari gjerman: Në qershor vjen një lajm i madh për Shqipërinë

VENDI

Duket se në samitin e radhës së BE-së nuk ka rrugë tjetër, veç çeljes së negociatave për Shqipërinë dhe Maqedoninë e Veriut. Franca dhe disa vende të tjera skeptike kanë kohë që nuk po ngrenë më shqetësimet e dikurshme, për vendin tonë.

 

Gazetari gjerman në Bruksel, Jack Parrock me anë të një postimi në rrjetet sociale ka thënë se Shqipëria pritet të marrë një lajm të madh së shpejti. Sipas tij në qershor Komisioni i Europian do të bëjë një lëvizje të madhe për sa i përket vendit tonë.

 

Burimet më thonë Komisioni do të rekomandojë mbajtjen e Konferencës së parë Ndërqeveritare në samitin e qershorit të liderëve të BE. Shtetet e BE-së më pas do të zgjedhin nëse do të miratojnë”, shkruan gazetari në rrjetin e tij social.

 

Gjermania nga e lëkundur, duket se është bindur përfundimisht për Shqipërinë.

 

Në fakt, Austria dhe Italia janë dy vendet e BE-së që po lobojnë më fort, për të çelur negociatat me Shqipërinë. Kur u refuzua për herë të fundit çelja e negociatave me Shqipërinë, ishin këto dy vende që lanë jashtë edhe Maqedoninë e Veriut, pasi, sipas tyre, vendi ynë i kishte plotësuar të gjitha kushtet dhe nuk mund të veçohej politikisht siç kërkoi Franca, përmes disa “satelitëve” të saj.

- Advertisement -
- Advertisement -

TE FUNDIT