Pak javë më parë Agjenti Thumb në ThumbON tha se burime ekskluzive për të tregonin se, arsyeja e vërtetë e largimit të Florian Agalliut nga Top Channel, ishte një sherr me drejtorin e përgjithshëm të këtij televizioni, Ben Blushi e duket se lajmi paska qenë tepër i vërtetë.
Një gjë të tillë e ke konfirmuar Florian Agalliu së fundmi teksa ka qenë i ftuar ne Ora News, në Late Night Show me Kastro Zizon i cili ndër të tjera tha se i është cënuar dinjiteti dhe për këtë gjë nuk bën dot kompromise.
Nuk e kam folur fare këtë pjesë në media, por meqë po më jepet rasti po ta them çfarë ka ndodhur. Unë kam vendosur që të jetoj me dinjitet, në momentin që më cënohet dinjiteti përsa i përket marrëdhënieve në punë dal mga vetja.
Kështu u shpreh Florian Agalliu ku i menjëhershëm ka qenë reagimi i publikut duke e shoqëruar me duartrokitje. U agravua situata dhe unë preferova ti shkëpus marrëdhëniet se sa të vazhdoj të jetoj duke punuar me të njejtat intonacione të përditshme, shtoi më tej Flori.
