4 mjete janë dëmtuar si shkak i një aksidenti që ka ndodhur gjatë natës në Bulevardin “Gjergj Fishta” në Lezhë.
Mësohet se një automjet i cili po lëvizte me shpejtësi është përplasur me 4 mjete që ishin të parkuara në anë të rrugës. Raportohet se nga aksidenti nuk ka të lënduar, por vetëm dëme të shumta materiale.
Policia ka nisur hetimet, ndërsa nuk bën ende me dije emrin e personit që shkaktoi dëmtimin e mjeteve dhe shkaqet e ngjarjes.
