Një helikopter i ushtrisë kanadeze pjesë e NATO-s që po kryente një operacion patrullimi me 6 persona në bord, është zhdukur në ujërat ndërkombëtare mes Greqisë dhe Italisë.
Sipas “Tgcom24”, lajmin e bën të ditur Ushtria Greke. Helikopteri në momentin që humbi kontaktet gjendej rreth 50 milje larg kufirit grek, në afërsi të ishullit të Celafonisë.
Ekipet e kërkimit dhe shpëtimit të NATO-s thuhet se po kërkojnë në ujërat ndërkombëtare jashtë ishullit Kefalonia të Greqisë. NATO deri më tani nuk ka dhënë detaje në lidhje me helikopterin dhe ngjarjen.
