7.5 C
Tirana

Tragjike në Elbasan, humb jetën pasi kafshohet nga pitbulli

VENDI

Një 58-vjeçar nga Elbasani është kafshuar nga një qen “Pitbull”, dhe ka ndërruar jetë pak pas mesnate. Burime të besueshme raportuan se 58-vjeçari Rifat Bajrami, banues në lagjen “5 Maji”, pak ditë më parë është sulmuar nga një “Pitbull”.
Nga sulmi i janë shkaktuar plagë të shumta dhe ka përfunduar në gjendje të rëndë në spital.
Pavarësisht ndërhyrjeve të mjekëve dhe stabilizimit të gjendjes fatkeqësisht 58-vjeçari nuk u ka mbijetuar plagëve dhe në mesnatën e fundit ka ndërruar jetë në shtëpi pasi ka pësuar trompozë.
Ky është rasti i dytë me pasoja në bashkinë e Elbasanit, pasi më herët një grua ndërsa po dërgonte mbesën në shkollë u sulmua nga qentë e rrugës në hyrje të shkollës së Paprrit.
Ndërkohë sikur të mos mjaftojnë incidentet e shpeshta pothuajse çdo ditë shikon rrugëve të qytetit të Elbasanit me dhjetëra të rinj e të reja, madje jo rrallë edhe fëmijë me qen të mëdhenj dhe të racave bastarde, që shëtisin dhe snobojnë nëpër rrugët e qytetit dhe Bulevardin “Aqif Pasha”, pa u vënë maska kafshëve që mbajnë.
Por edhe pse qentë e racave kanë krijuar incidente askush nuk ka marrë masa të mirëfillta për të evituar një problematikë të tillë./b.w

- Advertisement -

TE FUNDIT