Nga Mero Baze
Në Shkodër po ndodh një skenar i shëmtuar, që i shkon portretit të Voltana Ademit, por jo Shkodrës. Një tufë cubash me rrogë shteti, kanë bllokuar pedonalen e qytetit me qëllim që të konfrontohen me mbështetësit e Partisë Socialiste që kanë takimin e tyre elektoral.
Skena të tilla të ngjashme, Shqipëria ka parë vetëm me “Shoqatën e Enverit” në vitin 1991, por dhe ata i bënin protestat pasi iknin kundërshtarët e tyre.
Konfrontim fizik për të prishur mitingun e një force poltike, në Shqipëri nuk ka pasur pas vitit 1991, kur Partia e Punës bëri anti-miting në Tropojë, Burrel dhe disa qytete të tjera periferike. Nuk ka pasur qysh kur Shqipëria pranoi pluralizmin dhe vendosi të pranojë dhe kundërshtarët politikë.
Ajo që po ndodh sot në Shkodër është një provokim i ndyrë i një pakice, e cila nuk është as shumicë politike në Shkodër. Partia Demokratike e ka humbur Shkodrën në vitin 2013 kur ishte në pushtet dhe vazhdon ta humbasë si qark. Dhe sikur policia t’i lejojë ata cuba të përleshen me vëllezërit e tyre, nuk di si do ndihet ajo fytyrë e zezë që udhëheq disa mercenerë drejt përgjakjes.
Mendësia enveriste që tenton të përfaqësojë Shkodrën duke I imponuar shëmtinë e një dhune në formë Voltane, nëse do të imitohej nga qytetet e tjera të Shqipërisë, do t’i binte që Luzlim Basha të mos dilte as nga dera e pallatit.
Sikur Vlora të imitonte Shkodën, Lulzim Basha do mbetej në Mifol dhe sikur Tepelena apo Gjirokastra të imitonin një të qindën e saj, Lulzim Basha nuk shkonte dot as tek shtëpi e vjehrrit se e ka dhe në hipotekë të tij.
Por Shqipëria për fat të mirë nuk ka rënë në nivelin e Voltanës dhe nuk duket ende e shëmtuar.
As Shkodra nuk është Voltana.
Voltana pëfaqëson ata 100 vetë të paguar në bulevard, që tentojnë të diktojnë se kush ka të drejtë të bëjë miting në një qytet.
Sikur me mendësinë e Voltanës sot të ishin gjithë shqiptarët, lufta civile do të ndizej për 5 minuta, dhe shqiptarët do vriteshin me njëri tjetrin për Edi Ramën, apo Sali Berishën, pasi i vuri shkrepsen Ilir Meta.
Por për fat Shqipëria është e bukur, se nuk është si Voltana.
Precedenti për të sulmuar kundërshtarin në një qytet me cuba të paguar, është papërgjegjësia më e madhe që sot Ilir Meta ja ka varë si gur të rëndë në qafë Shqipërisë, për ta mbytur atë me shpresë se shpëton vetë. Ky gur herë e ka emrin Voltanë e herë Azgan, po është gjithnjë i njëjti, një tufë idiotësh “dumbabistë”, që mendojnë se duke ndezur zjarrin e një përplasje civile, ata do të jenë heronjtë e saj.
Në fakt ata do të jenë viktimat e saj, të keqpërdorurit e saj dhe në fund të përbuzurit e saj. Do të jenë ata që do të mohohen dhe nga Sali Berisha, dhe nga Ilir Meta apo Lulzim Basha, sapo të ndreqin punët e tyre.
Shkodra do jetojë gjatë dhe në historinë e saj, ky gjest i shëmtuar si çdo gjë tjetër e shëmtuar, do të mbajë emrin e Voltanës.
Shkodra që i ka dhënë Shqipërisë kolosët e kulturës dhe emancipimit kombëtar, shëmtira të tilla, i ka pjesë të jashtëqitjes së saj, po jo të historisë së saj.
Shqipëria apo ashtu.
Voltana Ademi kërkon të bëhet promotore e nxitjes luftës civile në Shqipëri, me shpresë se do imitohet nga gjithë qytetet shqiptare. Nëse do të çmendej Shqipëria dhe do të imitonte Voltanën, PD do të fshihej nga gjeografia politike për 24 orë. Por Shqipëria nuk adhuron Voltanën për këtë që bën. Shqipëria pështyn mbi Voltanën. Dhe i vjen keq për pështymën, kur shikon mbi çfarë fytyre bie.
