Ministri i Shtetit për Diasporën jep lajmin e mirë se nga e shtuna e në vazhdim parashikohet të ketë një liberalizim të rregullave dhe fillim të lëvizjeve të kufizuara sidomos me Italinë e Greqinë. “Por mos kujtoni se gjërat janë të thjeshta” tha zoti Majko në një intervistë me gazetarin e Ora News, Klodi Karaj.
Pandeli Majko: “Deri në mbrëmjen e ditës së hënë janë kryer 9 fluturime dhe riatdhesuar 549 shqiptarë ndërsa janë larguar 279 qytetarë. Mendoj se situata në vazhdim do të jetë më e liberalizuar por duhet të nënvizoj se situata nuk është në duart e politikës por të mjekëve dhe specialistëve të fushës dhe nuk mund të bësh kompententin. Në kushtet e një situate të pazakontë rregullat e pazakonta nuk janë çudi.”
A duhej të ishte bërë më shpejt riatdhesimi?
Pandeli Majko: Nuk besoj se mund të bëjmë histori si mund të bëhej. Administrata nuk mund të ishte e parashikueshme për situata të paparashikueshme. Kujt ia merrte mendja të kishim rregulla që nuk ia merrte mendja. Prandaj do kërkojmë mirëkuptim. Ka një mijë pse por të gjithë këto rregulla janë ndërtuar mbi bazën e një gjëndje të jashtëzakonshme ku fjalën e parë e thonë mjekët dhe specialistët
Si ka qenë bashkëpunimi me ambasadat?
Pandeli Majko: Trupi diplomatik është për tu falenderuar duke pasur parasysh numrin që kanë kanë bërë një punë të jashtëzakonshme.
Sot që flasim në ministrinë e Jashtme është krijuar njësia e emegjencës. Kërkoj mirëkuptimin e kujtdo që nuk i hapet telefoni në një moment të caktuar. Jemi në një gjëndje të pazakonte
Mendoj nga e shtuna dhe në vazhdim me një parashikim timin, por theksoj janë mjeket ata që do të venedosin, do të kemi një liberalizim të rregullave dhe fillim të lëvizjeve të kufizuar sidomos me Italine e Greqinë që i kemi vendet fqinje. Por mos kujtoni se gjërat janë të thjeshta. Te dielen pata një mbledhje me keshillin e koordinimit te diaspores.
Kemi shumë probleme për rastet e njerëzve që kanë lënë amanet për tu prerë në atdheun e tyre. Keta jane nga SHBA e distanca shume më të largëta. Ky është rast specifik me të cilin po merremi. Besoj se secili sipas mënyrës së vet ka një gamë të gjerë problemesh me të cilat ministria e Jashtme me atë të Brendshmen po merret dhe ne kemi bërë të pamundurën ti ndihmojmë.
A janë të shumta kërkesat e qytetarëve që duan të rikthehen?
Pandeli Majko: Janë.
Kur do përfundojë riatdhesimi?
Pandeli Majko: Unë do i lutesha qytetarëve të konsultohen me konsullatat. Ne po bëjmë maksimalen që të qëndrojnë të hapura konsullatat gjatë gjithë ditës vetëm në orarin e gjumit jo. Dimë që ka pasur vonesa por kërkojmë mirëkuptim pasi situata është e jashtëzakonshme.
