Nga data 1 prill bizneset me aktivitet të mbyllur, të vetëpunësuarit, familjet me ndihmë ekonomike, përfituesit e pagesës së papunësisë do të përfitojnë nga paketa e ndihmës ekonomike. “Paga e luftës” do të jepet për 3 muaj për situatën e krijuar nga Koronavirusi.
Të gjithë përfituesit duhet të paraqesin pranë drejtorisë së Përgjithshme të Tatimeve, ndërmjet portalit e-filing, kërkesat me të dhëna ku përfshihen:
a) Të dhënat identifikuese të subjektit tatimpagues të pajisur me NIUS.
b) Të dhënat identifikuese të përfituesve, përfshirë të vetëpunësuarit, punonjësit e papaguar
të familjes dhe të punësuarit, përfshirë:
i. emrin, atësinë, mbiemrin.
ii. numrin personal të identifikimit të përfituesit,
iii. bankën ku përfituesi ka llogarinë rrjedhëse
bankare.
iv. numrin e llogarisë bankare
Përfituesit e ndihmës financiare janë individët:
a) Personat fizikë të vetëpunësuar;
b) Punonjësit e papaguar të familjes të personit fizik tregtar;
c) Të punësuarit në personat fizikë tregtarë;
ç) Të punësuarit në personat juridikë.
