Qyteti i Elbasanit qëndron në krye të të gjitha bashkive përsa u përket shpenzimeve të bëra në lidhje me dekoret, dritat dhe zbukurimet e qytetit për fundvit.
Analisti politik, Stiliano Rushaj ka publikuar disa dokumente në rrjetet sociale dokumentat e tenderit dhe krahas tyre shkruan se Bashkia e Elbasanit me në krye Gledian Llatjan, ka shpenzuar 160000000 lek lekë vetëm për dekorin e qytetit përsa u përket festive të fundvitit.
Rushaj krahason këto shpenzime të bëra në lidhje me ato që janë bërë një vit më parë nga ish kryebashkiaku Qazim Sejdini, i cili ka harxhuar vetëm 5000000 ose 32 herë më pak se pasardhësi i tij për zbukurimin e qytetit.
Ndër të tjera analisti shton se ka shumë vende të tjera ku mund të ishte shpenzuar kjo shifër e majme parash si në rrugë dhe dhjetëra lagje të pandriçuara.