Mjeku Pëllumb Pipero: Mund të ketë një valë të dytë të virusit, çfarë pritet të ndodhë

Mjeku Pëllumb Pipero nuk përjashtoi mundësinë e një rikthimi të koronavirusit në fund të vjeshtës, ndërsa tha të enjten në “Opinion” se kryesisht infeksionet respiratore e kanë këtë karakteristikë.

PUBLICITET

 

Megjithatë ai u shpreh se një valë e dytë nuk do të ketë të njëjtat efekte.

“Nuk përjashtohet një mundësi në fund të vjeshtës. Nëse do kemi një rikthim nuk do ketë këto efekte. Sistemet janë më të përgatitura, një pjesë e mirë do fitojë imunitet, qytetarët janë më të ndërgjegjësuar, do kemi më shumë armë në dorë, neve mjekët. Impakti nuk do jetë ky. Besoj do mjaftohemi me një distancim fizik dhe larje duarsh. Nuk do frenohet ekonomia dhe jeta”,- tha mjeku.

 

I pyetur se përse disa vende e kaluan më lehtë dhe disa në mënyrë më traumatike, Pipero tha:

“Së pari, ka teori që janë tre lloje virusesh. Së dyti, u var shumë nga koha kur u morën masat. Në Kinë rastet e para u identifikuan më 21 janar. Wuhani u mbyll në 23. Nëse do ishte mbyllur në 22, rastet dhe vdekjet do ishin 40% më pak. Iu qëndruam masave në kokë, por mbi të gjitha, qytyetarët i kanë respektuar ato në maksimumin e mundshëm”,- tha Pipero në “Opinion”.

PUBLICITET