Banania është një ndër frutat më të mirë që mund të hani dhe nutricionistët janë të mendimit se të rritur e të vegjël duhet ta hanë në çdo ditë të vitit.
Ky frut tropikal i siguron organizmit shumë lëndë ushqyese si proteina vitamina e minerale që janë po aq të rëndësishme edhe për shëndetin e flokëve.
Maskat me fruta e përbërës natyralë janë gjithnjë një ide e mirë, pasi janë ushqyese hidratuese e jo vetëm. Larg kimikateve dhe produkteve kozmetike më poshtë gjeni recetën kundër rënies së flokëve që ka si bazë frutin e bananes.
Përgatitja. Merrni një banane të pjekur mirë dhe shtypeni me ndihmën e një piruni. Pasi të keni përfituar një masë homogjene shtoni dy lugë vaj ulliri. Përziejeni sërish e këtë maskë aplikojeni në të gjithë gjatësinë e flokut nga rrënjët deri tek majat.
Mblidhini ato me peshqir të njomur dhe lëreni maskën të veprojë për një orë e gjysmë. Në fund shpëlajeni kokën me ujë dhe lajeni si normalisht.