Ministrja e Shëndetësisë dhe Mbrojtjes Sociale Ogerta Manastirliu siç u paralajmërua në mbledhjen e qeverisë mëngjesin e sotëm ka firmosur urdhrin për mbylljen e institucioneve arsimore me qëllim parandalimin e përhapjes së koronavirusit si dhe 4 urdhra të tjerë. Pas konfirmimit të dy rasteve të prekura nga koronavirus në Shqipëri ministria urdhëron.
– Mbylljen e institucioneve arsimore për parandalimin e përhapjes së COVID 19.
– Mbylljen e aktiviteteve publike dhe jopublike dhe anulimin e grumbullimeve masive në vende të mbyllura apo të hapura.
– Kufizimin e lëvizjes së shoqëruesve dhe ose familjarëve të pacientëve nëpër spitale.
– Vetëkarantinimin e personave që hyjnë në territorin e Shqipërisë nga zona e izoluar në Itali.
– Ndalimin e eksportit të barnave dhe pajisjeve mjekësore.
