Kryetari i Partisë Demokratike, Lulzim Basha akuzoi qeverinë se nuk po bën asgjë veçse po tallet me banorët e prekur nga tërmeti. Ai deklaroi se teksa kanë kaluar 2 muaj nga tërmeti, për qytetarët e Durrësit nuk ka asnjë zgjidhje.
Dy muaj më pas, situata në Durrës është katastrofike. Premtime të pambajtura dhe propagandë përballë qytetarëve që nuk kanë asnjë zgjidhje për banesat e shkatërruara nga tërmeti i 26 nëntorit. Është në turpin e kësaj qeverie që të tallet dhe luajë me fatkqesinë e banorëve të zonave të prekura nga tërmeti!
Këtë të enjte Lulzim Basha nisi një tur takimesh me banorët e dëmtuar nga tërmeti, nga ku nuk munguan sulmet për mazhorancnën. Sipas kryedemokratit, në këto dy muaj nuk ka asnjë ndyrshim pozitiv, madje nuk janë vlerësuar ende as dëmet.
