Konsumimi i një grusht arra, bajame dhe lajthi çdo ditë rrit prodhimin e spermës, sugjeron një studim i ri. Vetëm 60 gramë me këto fruta të thata çdo ditë rrit sasinë e spermës me 16 përqind, ka zbuluar një studim spanjoll.
Këto fruta të thata rrisin gjithashtu shpejtësinë e lëvizjes së spermës me 6 përqind, vitalitetin me 4 përqind dhe formën me 1 përqind të gjitha këto të lidhura me pjellorinë e mashkullit.
Infertiliteti prek rreth 11 përqind gra dhe 9 përqind burra në moshën riprodhuese në SHBA. Rreth 1 deri 7 përqind e çifteve kanë vështirësi në ngjizjen e fëmijës në Britani.
Shkencëtarët mendojnë se ndotja e ajrit, duhanpirja dhe trendet e reja drejt dietës së stilit perëndimor po ndikojnë në shëndetin e spermës.
Shkencëtarët nga Universiteti Rovira Virgil, në Spanjë, monitoruan mbi 100 meshkuj të moshës 18-35 vjeç për 14 javë. Gjysma e tyre konsumonin një dietë tipike perëndimore, ndërsa pjesa tjetër konsumonin të njëjtat ushqime së bashku me një racion prej 60 gramë me arra, lajthi dhe bajame.
Si në fillim të studimit ashtu edhe në fund iu morën mostra të spermës dhe gjakut.
Rezultatet sugjerojnë gjithashtu se një grusht fruta të thata në ditë ulin rrezikun e dëmtimit të ADN-së së spermës, që mund të shkaktojë infertilitet.
