Kreu i Kishës Katolike Romake, Papa Françesku, do të vizitojë Malin e Zi vitin e ardhshëm, u konfirmua në një takim midis Papës dhe Kryeministrit të Malit të Zi Dusko Markoviç të shtunën në Vatikan, tha Qeveria e Malit të Zi. Vizita e Papës në Mal të Zi do të ketë rëndësi historike, tha qeveria.
Në një takim me Markoviçin, Papa Françesku vlerësoi politikat që po ndjek Mali i Zi për ekumenizmin, kulturën, ekologjinë dhe humanizimin në të gjitha sferat e marrëdhënieve shoqërore tha Qeveria.
Sipas qeverisë, vizita e Markoviçit ishte dakorduar më parë, por erdhi megjithatë në një kohë të ndjeshme kur Qeveria planifikon të miratojë një Akt të Lirisë së Fesë që vlen edhe për pronat e Kishës Katolike në Mal të Zi.
Patriarku serb Irinej ka ngritur në një letër dërguar këtë vit kreut të Kishës Katolike Romake, shqetësimet në lidhje me propozimin për këtë ligj të ri. Ligji për Liritë Fetare duhet të miratohet në baza demokratike i pranuar nga të gjitha bashkësitë fetare, thuhet në letër.
Qeveria malazeze ka miratuar projektligjin për lirinë e fesë i cili nënkupton se të gjitha bashkësitë fetare duhet të dëshmojnë se ata ishin pronarë të pronave të kishës para vitit 1918 përndryshe ato do të konfiskoheshin, gjë që u kundërshtua me forcë nga Kisha Ortodokse Serbe.
Opozita kërkoi që projektligji, i cili do të debatohet në 24 dhjetor, të tërhiqet në Krishtlindjet Katolike, dhe demokratët braktisën Komisionin për Reformën e Legjislacionit Zgjedhor i cili ishte përpara marrëveshjes përfundimtare për kushtet e zgjedhjeve.
