Holanda përmbys Anglinë në shtesë, sfidon Portugalinë në finalen e Ligës së Kombeve

Portugali-Holandë do të jetë finalja e Ligës së Kombeve. “Tulipanët” arritën që të fitonin me përmbysje 3-1 ndaj Anglisë, teksa u deshën 120 minuta për të mësuar rivalët e luzitanëve.
Sfida nisi në malore për Holandën, teksa në minutën e 32-të, Anglia do të kalonte në avantazh me Marcus Rashford. Reagimi i skuadrës së Koeaman do të vinte në pjesën e dytë me De Ligt që shënoi golin e barazimit me De Ligt. Anglia do të rikthehej në avantazh sërish me Lingard, por gjyqtari do ta anulonte për pozicion jashtë loje.
Sfida në këtë mënyrë do të shënonte në kohën shtesë, teksa pas një gabimi të Stones, Holanda përfiton duke shënuar, duke u ndihmuar dhe nga një prekje e Walker në fund.
Anglia tentoi të gjente golin e barazimit, por nuk do të arrinte që të mposhtë mbrojtjen tulipan, madje do të pësonte edhe një tjetër gol. Pas një tjetër gabimi të mbrojtjes së Anglisë, Promes do të shënonte golin e sigurisë.