Ministri i Brendshëm Sandër Lleshaj në përpjekje për të justifikuar pagat e ulta të punonjësve të Policisë në Shqipëri, ka treguar edhe rrogën e tij, ndërsa i ka habitur të gjithë kur ka thënë se merr aq sa roja i homologut të tij në Kosovë
Këtë Lleshaj e ka mësuar në një takim me ministrat e Ballkanit që me sa duket veç çështjeve të rëndësishme për të cilat flasin, diskutojnë edhe problemet e rrogave, ndërsa rrëfen se i ishte thënë se roja i Ministrit të Brendshëm të Kosovës është 900 euro
Me këtë buxhet nuk është parashikuar rritje page për punonjësit e policisë. Sigurisht që duhet rritje dhe do parashikohet në 6 mujorin e dytë
Gjatë një takimi që pata me ministrat e Ballkanit mora vesh se roja i Ministrit të Brendshëm të Kosovës tha se merrte 900 € pagë. Roja atje merr aq pagë sa kam edhe unë”, tha Lleshaj në Komisionin e Sigurisë Kombëtare.
Ministri i Brendshëm ka kritikuar gjatë fjalës së tij në këtë Komision projekt-buxhetin e qeverisë për vitin 2020, i cili nuk parashikon rritje rroge për punonjësit e Policisë së Shtetit.
