Facebook së fundmi ka fshirë qindra llogari, faqe dhe grupe nga platformat e rrjetit social për të cilat shprehet se ishin të rrezikshme.
Gjiganti i teknologjisë deklaron se ka fshirë 443 llogari Facebook-u, 125 Instagram-i si dhe 200 faqe dhe 76 grupe me origjinë nga Emiratet e Bashkuara Arabe, Egjipti, Nigeria dhe Indonezia.
Facebook përmes një postimi në blog, thekson se veprime të këtyre llogarive ishin shpërndarja e lajmeve lokale në vende të caktuara, përkrahja ndaj Emirateve të Bashkuara Arabe, si dhe kritika ndaj Katarit, Turqisë dhe Iranit.
Një veprim më i vogël përfshinte llogari të rreme që ndanin përmbajtje në mbështetje të lëvizjes së pavarësisë në Papua-n Perëndimore, ndërsa të tjerët postonin kritika për këtë.
Kompania e rrjetit social deklaroi se një veprim i tretë, me origjinë nga Egjipti, fokusohej në shtetet e Somalisë, Jemenit, Arabisë Saudite, Tunizisë, Iranit, Turqisë, Libani dhe Katarit.
