Një aksident i rëndë ka ndodhur pak më parë, rreth orës 17.45 në qytetin e Shkodrës, ku një mjet ka aksidentuar një fëmijë 10-vjeçar, në zonën e njohur si ish-Zukthkashta.
Fëmija e aksidentuar, banues lagjen “Salo Halili”, është transportuar me urgjencë në Spitalin Rajonal të Shkodrës dhe ndodhet në sallën e operacionit, ndërkohë që 37-vjecari drejtues i mjetit me inicialet E.H. u shoqërua në ambientet e komisariatit.
Shërbimet e policisë ndodhen në vendngjarje për sqarimin e rrethanave të aksidentit.
Njoftimi i Policisë:
Shkodër/ Informacion Paraprak
Më datë 09.10.2019, rreth orës 17:45, në unazën Përendimore tek ish Zukthkashta, Shkodër, mjeti me targa AA133SH, drejtues shtetasi E. H. 37 vjeç, ka përplasur një fëmijë E. H. vjeç 10, banues lagjen Salo Halili, i cili u transportua për në Spitalin Rajonal Shkodër, për ndihmë mjeksore dhe ndodhet në sallën e operacionit, nën kujdesin e mjekëve.
Drejtuesi mjetit u shoqërua në ambjentet e D. V. P. Shkodër.
Në vendngjarje ndodhen shërbimet e policisë , veprimet po kryhen me grup hetimor, për sqarimin e rrethanave të aksidentit.
