Eda Loshi, 5 vjeçare nga Prishtina, është diagnostifikuar me sëmundjen e rrallë gjenetike, SpinalMuscular Atrophy SMN1 dhe SMN2. Kjo është një sëmundje gjenetike që shkakton çrregullim neuromuskular progresiv ku preken qelizat nervore që kontrollojnë muskujt.
Pa trajtim, simptomat e kësaj sëmundje fillojnë të shfaqen para ose pas muajit të 6 dhe vazhdojnë me përkeqësim të dobsisë së muskujve dhe humbje të tonusit muskulorë. Pa trajtimin e duhur, gjendja e pacientëve me këtë sëmundje përkeqësohet deri në pamundësi totale të lëvizjes, vështirësi në frymëmarrje, etj.
Trajtimi i kësaj sëmundje kushton shumë dhe familja e Edës së vogël kërkon ndihmën tuaj, pasi sëmundja duhet të trajtohet jashtë vendit. Më poshtë mund të gjeni edhe numrin e llogarisë bankare në të cilën mund të ndihmoni me aq sa keni mundësi.
